ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ ԿԱՆՈՆԱԴՐՈՒԹՅՈՒՆ

"ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅՈՒՆ"
ԻՐԱՎԱԲԱՆԱԿԱՆ ԱՆՁԱՆՑ ՄԻՈՒԹՅԱՆ

Կ Ա Ն Ո Ն Ա Դ Ր ՈՒ Թ Յ ՈՒ Ն

Սույն փաթեթը հանդիսանում է 01 դեկտեմբերի 2006թ-ի "ՙՀայաստանի հանքագործների և մետալուրգների միություն" իրավաբանական անձանց միության գրանցված կանոնադրության բաղկացուցիչ մասը և ուժի մեջ է նրա հետ միասին:

1. ԸՆԴՀԱՆՈՒՐ ԴՐՈՒՅԹՆԵՐ

"Հայաստանի հանքագործների և մետալուրգների միություն" իրավաբանական անձանց միությունը, այսուհետ Միություն, անդամների ձեռնարկատիրական գործունեությունը համակարգելու, ինչպես նաև ընդհանուր գույքային շահերը ներկայացնելու և պաշտպանելու նպատակներով ստեղծված հանքամետալուրգիայի համալիրի ձեռնարկությունների միություն է:
Միությունը շահույթ չհետապնդող ոչ առևտրային կազմակերպություն է, գործում է ՀՀ Սահմանադրության, ՀՀ օրենսդրության, ՀՀ միջազգային պայմանագրերի և սույն կանոնադրության համաձայն:
Միությունը գործում է օրինականության, կանոնավորության, իրավահավասարության, ինքնակառավարման և հրապարակայնության սկզբունքներով: Միությունը քաղաքական շահեր չի հետապնդում և որևէ քաղաքական հոսանքի չի հարում:
Պետությունը պատասխանատվություն չի կրում Միության պարտավորությունների համար, Միությունը պատասխանատվություն չի կրում պետության պարտավորությունների համար, եթե այդպիսիք փոխադարձաբար չեն ստանձնված:
Միությունը պատասխանատվություն չի կրում իր անդամների պարտավորությունների համար, վերջիններս` Միության պարտավորությունների համար, եթե այդպիսիք չեն նախատեսված սույն կանոնադրությամբ:
Միությունը գործում է Հայաստանի Հանրապետության ողջ տարածքում և օտարերկրյա պետություններում` այդ պետությունների օրենսդրությանը համապատասխան:
Միության գտնվելու վայրն է` 0056 Ք.Երևան, Գայի պող.4շ./109
Միության անվանումն է.
- հայերեն - "ՙՀայաստանի հանքագործների և մետալուրգների միություն"
- ռուսերեն - "Союз горняков и металлургов Армении"
- անգլերեն - "The union of miners and metallurgists of Armenia"

ՄԻՈՒԹՅԱՆ ԳՈՐԾՈՒՆԵՈՒԹՅԱՆ ՆՊԱՏԱԿՆԵՐՆ ՈՒ ԱՌԱՐԿԱՆ

Միության նպատակներն են.
- պաշտպանել և ներկայացնել Միության անդամների միացյալ շահերը պետական կառավարման և տեղական ինքնակառավարման մարմիններում, հասարակական և միջազգային կազմակերպություններում, դատարաններում հանդես գալ որպես հայցվոր և պատասխանող,
- նպաստել հանքամետալուրգիայի համալիրի ձեռնարկությունների միջև կապերի ամրապնդմանն ու զարգացմանը, համակարգել Միության անդամների գործունեությունը համատեղ ծրագրերի մշակման ու իրականացման համար,
- մասնակցել Հայաստանի Հանրապետությունում հանքարդյունաբերության գործունեության մասին օրենսդրական և նորմատիվային ակտերի նախագծերի մշակմանը և դրանց հասարակական փորձաքննությանը,
- նպաստել հանքարդյունաբերության գիտության զարգացմանը` գիտական աշխատանքները հրատարակելու, արդիական մշակումների գործնական կիրառմանը օժանդակելու միջոցով,
- նպաստել հանքարդյունաբերության գիտության զարգացմանը` գիտական աշխատանքները հրատարակելու, արդիական մշակումների գործնական կիրառմանը օժանդակելու միջոցով,
- իրականացնել խորհրդատվական ծառայություն տեխնիկական, տնտեսագիտական, ֆինանսական, հաշվապահական, իրավաբանական և մարկետինգային հարցերով,
- մշակել և իրականացնել ծրագիր` Միության անդամ կազմակերպությունների աշխատողների վերապատրաստման և որակավորման բարձրացման ուղղությամբ,
- կազմակերպել սեմինարներ, գիտաժողովներ,
- իրականացնել ՀՀ օրենսդրությամբ չարգելված այլ գործունեություն:
Միության գործունեության առարկան.
- հանքարդյունաբերության տեղեկատվական կենտրոնի ստեղծում,
- հանքարդյունաբերության կադրերի վերապատրաստման և որակավորման բարձրացման կենտրոնի ստեղծում:
- սատար կանգնել հանքագործների և մետալուրգների մասնագիտական և հեղինակային իրավունքների պաշտպանությանը:

ՄԻՈՒԹՅԱՆ ԻՐԱՎՈՒՆԱԿՈՒԹՅՈՒՆԸ

Միության իրավունակությունը ծագում է նրա պետական գրանցման պահից և դադարում է լուծարման ավարտի պահից:
Միությունը`
- որպես սեփականություն, ունի առանձնացված գույք և իր պարտավորությունների համար պատասխանատու է այդ գույքով,
- կարող է իր անունից ձեռք բերել ու իրականացնել գույքային և անձնական ոչ գույքային իրավունքներ, կրել պարտականություններ,դատարանում հանդես գալ որպես հայցվոր կամ պատասխանող,
- ունի ինքնուրույն հաշվեկշիռ,
- ունի կլոր կնիք իր անվանումով և խորհրդանիշով, հաշվարկային հաշիվ բանկերում ՀՀ արժույթով և արտարժույթով:
Միությունն իր կանոնադրությամբ նախատեսված նպատակներն ու խնդիրներն իրականացնելու համար, օրենքով սահմանված կարգով իրավունք ունի.
- ՀՀ օրենքով չարգելված բոլոր ձևերով ձեռք բերել գույք, այդ թվում արժեթղթեր, տիրապետել, օգտագործել ու տնօրինել դրանք և դրանցից ստացված եկամուտը,
- ինքնուրույն կազմավորել իր ֆինանսական միջոցները, այդ թվում փոխառու միջոցների ներգրավմամբ ստանալ վարկեր,
- ՀՀ օրենսդրությամբ սահմանված կարգով կնքել պայմանագրեր և կրել պարտավորություններ,
- ինքնուրույն ընտրել իր արտաքին գործունեության վարման կարգը,
- ինքնուրույն պլանավորել իր գործունեությունը,
- ներկայացնել և պաշտպանել իր և իր անդամների իրավունքներն ու օրինական շահերը այլ տնտեսական ու հասարակական կազմակերպություններում, դատարանում, պետական կառավարման և տեղական ինքնակառավարման մարմիններում, միջազգային կազմակերպություններում,
- ունենալ վճարովի գործադիր մարմին, կառուցվածքային և առանձնացված ստորաբաժանումներ,
- ձեռնարկատիրական գործունեության իրականացման համար ստեղծել տնտեսական ընկերություններ կամ լինել նրանց մասնակից,
- օրենսդրությամբ սահմանված այլ իրավունքներ:
Միության իրավունքները կարող են սահմանափակվել միայն օրենքով նախատեսված դեպքերում և օրենքով սահմանված կարգով:
Միությունը քաղաքացիական իրավունքները ձեռք է բերում ու իրականացնում իր կամքով և ի շահ իրեն:
Միությունն ազատ է պայմանագրի հիման վրա սահմանել իր իրավունքներն ու պարտականությունները, որոշել պայմանագրի` օրենսդրությանը չհակասող ցանկացած պայման:
Միությունն ունի օրենքով չարգելված բոլոր եղանակներով իր քաղաքացիական իրավունքների ինքնապաշտպանության իրավունք:

ՄԻՈՒԹՅԱՆ ԱՆԴԱՄԱԿՑՈՒԹՅՈՒՆԸ ԵՎ ԱՆԴԱՄՈՒԹՅԱՆ ԴԱԴԱՐԵՑՈՒՄԸ

Միության անդամ կարող են լինել Հայաստանի Հարապետության, ինչպես նաև օտարերկրյա առևտրային այն կազմակերպությունները, որոնք զբաղվում են օգտակար հանածոների հանույթով, հարստացմամբ և ձուլմամբ, ինչպես նաև դրանց ծառայություններ մատուցող հարակից կազմակերպությունները, որոնք ընդունում են սույն կանոնադրությունը, մուծում մուտքավճարներ, պարբերաբար անդամավճարներ:
Միության անդամների ընդունելությունը կատարվում է Միության հիմնադիր ժողովի որոշմամբ կամ միության խորհրդի որոշմամբ` Միության համաժողովի հետագա հաստատմամբ:
Միության յուրաքանչյուր անդամ օգտվում է մեկ ձայնի իրավունքից:
Միության անդամ դառնալ ցանկացող կազմակերպությունը պարտավոր է`
- ներկայացնել Միության խորհրդին դիմում,
- ծանոթ լինել Միության կանոնադրությանը և ստանձնել պարտավորություն կանոնադրության պահանջները կատարելու վերաբերյալ,
- Ներկայացնել տեղեկանք, որը ներառում է դիմորդի գործունեության հիմնական տեսակներն ու ցուցանիշները,
- կատարել մուտքավճար և մուծել ամենամյա անդամավճար:
Միության տնօրենն ուսումնասիրում է դիմորդի կողմից ներկայացված փաստաթղթերը և ներկայացնում եզրակացություն Միության խորհրդին: Խորհուրդը եզրակացության հիման վրա, որոշում է ընդունում Միությանն անդամակցելու վերաբերյալ` Միության համաժողովի հետագա հաստատմամբ:
Միության խորհրդի կողմից անդամակցության վերաբերյալ որոշման կայացման մասին գրավոր տեղեկությունը ստանալուց հետո դիմորդը 15 օրվա ընթացքում պարտավոր է կատարել միանվագ մուտքավճար` 50.000 (հիսուն հազար) դրամի չափով:
Միության անդամության տարեկան վճարը սահմանվում է հաշվետու (տվյալ) տարում Միության անդամի կատարած աշխատանքների, թողարկած արտադրանքի, մատուցած ծառայությունների և վաճառած ապրանքների (գույքի) ընդհանուր ծավալի գումարային արտահայտության 0.2%-ի (զրո ամբողջ երկու տասնորդական տոկոսի) չափով գումար, բայց ոչ պակաս 100.000 (հարյուր հազար) դրամից և ոչ ավելի 1.000.000 (մեկ միլիոն) դրամից: Ընդ որում Միության անդամները նվազագույն 100.000 (հարյուր հազար) դրամ տարեկան անդամավճարը պարտավոր են միանվագ վճարել մինչև հաշվետու (տվյալ) տարվա հունվարի 31-ը ներառյալ, իսկ տարեկան անդամավճարի նվազագույն չափը գերազանցող մասը` յուրաքանչյուր կիսամյակ` մինչև տվյալ տարվա հունիսի 30-ը` առաջին կիսմյակի արդյունքների հիման վրա, և մինչև տվյալ տարվա դեկտեմբերի 31-ը` երկրորդ եռամսյակի արդյունքների հիման վրա: Ընդ որում հաշվետու (տվյալ) տարվա առաջին կիսամյակի ընթացքում Միության անդամի կատարած աշխատանքների, թողարկած արտադրանքի, մատուցած ծառայությունների և վաճառած ապրանքների (գույքի) ընդհանուր ծավալի գումարային արտահայտության 0.2 %-ը (զրո ամբողջ երկու տասնորդական տոկոսը) 1.000.000 (մեկ միլիոն) դրամի հասնելու դեպքում Միության անդամը պարտավոր է մինչև տվյալ տարվա հունիսի 30-ը վճարել 1.000.000 (մեկ միլիոն) դրամ անդամավճարը` հաշվանցելով նախօրոք վճարված նվազագույն 100.000 (հարյուր հազար) դրամ անդամավճարի գումարը: Ընդ որում այդ դեպքում Միության անդամը ազատվում է հաջորդ կիսամյակում անդամավճար վճարելու պարտականությունից: Անդամավճարի մուծումը կատարվում է ֆինանսական միջոցներով (փողով):
Միության անդամները կանոնադրության 21. կետով սահմանված անդամավճարներից բացի Միությանը կարող են նվիրատվության կարգով տրամադրել նաև այլ դրամական կամ գույքային միջոցներ:
Միության անդամները պահպանում են իրենց ինքնուրույնությունը և իրավաբանական անձի իրավունքները:
Միության այն անդամը, որը սույն կանոնադրությամբ և Միության հիմնադիր պայմանագրով նախատեսված իր պարտականությունները, պարբերաբար չի կատարում, կամ ոչ պատշաճ ձևով է կատարում, կամ իր գործողություններով խոչընդոտում է Միության գործունեությանը, կարող է Միության անդամների համաժողովի որոշմամբ հեռացվել Միության անդամությունից:
Միության կազմից կամավոր դուրս եկած կամ հեռացված անդամը մեկ տարվա ընթացքում իր տարեկան անդամավճարի չափով սուբսիդիար պատասխանատվություն է կրում Միության պարտավորությունների համար:
Միության անդամության դադարեցման համար կարող են հիմք հանդիսանալ հետևյալ պատճառները.
- Միության անդամի դիմումը,
- Միության կանոնադրության պահանջների խախտումը,
- Միության կամ Միության որևէ անդամի նկատմամբ ոչ կոռեկտ գործողությունները
- մուտքավճարի և տարեկան անդամավճարների չվճարումը:
Անդամության դադարեցման մասին որոշումը Միության տնօրենի եզրակացության հիման վրա ընդունվում է Միության Խորհրդի կողմից Միության համաժողովի հետագա հաստատմամբ:

ՄԻՈՒԹՅԱՆ ԱՆԴԱՄՆԵՐԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ

Միության անդամն իրավունք ունի.
- մասնակցել Միության ընդհանուր ժողովի աշխատանքներին (ի դեմս անդամ կազմակերպության նախագահի, տնօրենի կամ վերջիններիս կողմից լիազորված ներկայացուցչի),
- ընտրվել Միության ընտրովի մարմինների (Միության Խորհրդի, վերստուգիչ հանձնաժողովի) կազմում,
- մասնակցել Միության գործունեության հետ կապված հարցերի լուծմանը, առաջարկություններ ներկայացնել Միության ընտրովի մարմիններին,
- ստանալ տեղեկություններ Միության գործունեության մասին,
- օգտվել Միության կողմից մատուցվող ծառայություններից, տեղեկատվական նյութերից,
- ֆինանսական տարվա ավարտից հետո դուրս գալ Միությունից:
Միության անդամը պարտավոր է.
- մասնակցել Միության համաժողովի աշխատանքներին,
- նպաստել Միության հեղինակության բարձրացմանը,
- մուծել մուտքավճար և անդամավճարներ նախատեսված ժամկետներում,
- կատարել Միության կանոնադրական պահանջները, ղեկավար մարմինների որոշումները,
- աջակցել Միության անդամության համալրմանը,
- բարեխղճորեն կատարել իր վրա դրված պարտականությունները,
- պահպանել Միության գաղտնիքները,
- օժանդակել Միությանը նրա կանոնադրական խնդիրների իրականացման գործում:

ՄԻՈՒԹՅԱՆ ՄԻՋՈՑՆԵՐԸ

Միության միջոցները գոյանում են.
- Միության անդամակցության մուտքավճարներից և անդամավճարներից,
- Միության կողմից կամ մասնակցությամբ հիմնադրված տնտեսական ընկերությունների գործունեությունից առաջացած շահույթի մասհանումներից,
- վարձակալության հանձնած գույքից,
- Միության օգտին անցկացվող միջոցառումներից ստացվող եկամուտներից,
- իրավաբանական, ֆիզիկական անձանցից անհատույց նվիրատվությամբ, կտակի, հանգանակության և այլ ձևերով ստացված դրամական միջոցներից ու նյութական արժեքներից,
- օրենքով չարգելված այլ եկամուտներից ու միջոցներից:

ՄԻՈՒԹՅԱՆ ԿԱՌԱՎԱՐՄԱՆ ՄԱՐՄԻՆՆԵՐԸ

Միության կառավարման բարձրագույն մարմինը Միության անդամների համաժողովն է, իսկ կառավարման մարմինները` Միության Խորհուրդը, Միության նախագահը և Միության տնօրենը:
Միության համաժողովի իրավասությանն են պատկանում.
- Միության կանոնադրության հաստատումը, դրանում փոփոխությունների և լրացումների կատարումը, կանոնադրության նոր խմբագրությամբ հաստատումը,
- Միության վերակազամակերպումը,
- Միության լուծարումը,
- Խորհրդի անդամների ընտրությունը և լիազորությունների վաղաժամկետ դադարեցումը,
- վերահսկիչ հանձնաժողովի քանակական կազմի հաստատումը, դրա անդամների ընտրությունը և լիազորությունների վաղաժամկետ դադարեցումը,
- Միությանն անդամակցելու համար մուտքավճարների չափի և անդամավճարների չափի ու դրանց վճարման պարբերականության հաստատումը,
- Խորհրդի և վերահսկիչ հանձնաժողովի հաշվետվությունների հաստատումը,
- Միության գործունեության տարեկան արդյունքների և հաշվեկշռի հաստատումը,
- Միության բյուջեի կատարողականի վերջնական հաստատումը,
- Միության նոր անդամների անդամակցության և անդամության դադարեցման մասին Խորհրդի որոշումների հաստատումը:
Միության համաժողովը կարող է լուծել նաև սույն կանոնադրությամբ նախատեսված Միության գործունեությանը վերաբերող կամ իր նախաձեռնությամբ քննարկման ընդունված այլ հարցեր: Համաժողովները կարող են հրավիրվել հերթական կամ արտահերթ կարգով: Հերթական համաժողովները հրավիրում են Միության Խորհրդի կողմից առնվազն տարին մեկ անգամ: Արտահերթ ժողովները կարող են հրավիրվել Միության նախագահի, Խորհրդի, վերստուգիչ հանձնաժողովի, ինչպես նաև Միության անդամների 20 տոկոսի պահանջով: Միության համաժողովը սկսելուց ոչ ուշ, քան 15 օր առաջ գրավոր տեղյակ է պահում Միության անդամներին կայանալիք ժողովի մասին, նշելով դրա անցկացման ժամկետը, տեղը և օրակարգը: Միության անդամներն իրավունք ունեն օրակարգի վերաբերյալ իրենց առաջարկությունները ներկայացնել համաժողովը սկսելուց ոչ ուշ, քան 5 օր առաջ: Համաժողովը իրավասու է (քվորում ունի), եթե դրան ներկա են Միության անդամների 50 (հիսուն) տոկոսից ավելին: Համաժողովի որոշումներն ընդունվում են բաց քվեարկությամբ, յուրաքանչյուր անդամ ունի մեկ ձայնի իրավունք: Միության կանոնադրության հաստատման, դրանում փոփխությունների և լրացումների կատարման, կանոնադրության նոր խմբագրությամբ հաստատման, Միության լուծարման վերաբերյալ որոշումներն ընդունվում են ժողովին մասնակցող անդամների ձայների 2/3-ով, իսկ մնացած բոլոր հարցերի վերաբերյալ որոշումներն ընդունվում են ժողովին մասնակցող անդամների պարզ մեծամասնությամբ: Համաժողովում նախագահում է Միության նախագահը, իսկ նրա բացակայության դեպքում` Միության Խորհրդի անդամներից որևէ մեկը: Միության նախագահը պարտավոր է ժողովը վարել և ստուգել Միության անդամների ներկայացուցիչների մասնակցության իրավասությունը և քվորումը: Համաժողովի նիստերն արձանագրվում են: Նիստերի արձանագրությունը կազմվում է նիստերի կայացման օրվանից հինգ աշխատանքային օրվա ընթացքում, որոնք ստորագրվում են Միության նախագահի և նիստի քարտուղարի կողմից: Միության անդամները իրավունք ունեն անվճար ստանալու Համաժողովի նիստերի արձանագրությունների պատճենները կամ դրանց քաղվածքները:
Միության խորհուրդը մշտապես գործող մարմին է, ղեկավարում է Միության գործունեությունը համաժողովների միջև ընկած ժամանակահատվածում: Խորհուրդում ընտրվում են միության բոլոր իրավաբանական անձինք 3 (երեք) տարի ժամկետով: Խորհրդի անդամը կատարում է սույն կանոնադրությամբ նախատեսված և խորհրդի կողմից իր վրա դրված պարտականությունները, մասնակցում է խորհրդի նիստերին և Միության կողմից նախաձեռնվող միջոցառումներին: Խորհրդի նիստերը գումարվում են ըստ անհրաժեշտության` Միության նախագահի կողմից, ինչպես նաև խորհրդի անդամների 1/3 –ի կամ վերահսկիչ հանձնաժողովի պահանջով: Խորհուրդի իրավասու է (քվորում ունի), եթե նիստին մասնակցում են խորհրդի անդամների 2/3-ը: Խորհրդի որոշումներն ընդունվում են նիստին ներկա անդամների ձայների պարզ մեծամասնությամբ: Ձայների հավասարության դեպքում Միության նախագահի ձայնը համարվում է վճռորոշ: Խորհրդի նիստերն արձանագրվում են: Արձանագրությունը կազմվում է նիստի կայացման օրվանից հինգ աշխատանքային օրվա ընթացքում: Խորհրդի արձանագրությունը ստորագրվում են Միության նախագահի և նիստի քարտուղարի կողմից: Խորհուրդը հաշվետու է Միության համաժողովի առջև: Տարին մեկ անգամ կարող է կատարվել Միության խորհրդի կազմի մինչև 1/3 –ի փոփոխություն` Միության համաժողովի կողմից հաստատված կարգով:
Միության խորհրդի իրավասությանն են պատկանում.
- Միության գործունեության և զարգացման ծրագրերի ընդհանուր սահմանաքանակի հաստատումը,
- Միության նոր անդամների անդամակցության և անդամության դադարեցման մասին որոշման ընդունումը, որը հետագայում հաստատվում է Միության համաժողովի կողմից,
- հաշվետու տարվան հաջորդող առաջին եռամսյակի ընթացքում Միության բյուջեի կատարողականի հաստատումը, որից հետո ապահովում է դրա ներկայացումը Միության համաժողովի հաստատմանը,
- Միության գործունեությունը կարգավորող ներքին իրավական ակտերի հաստատումը,
- օրենսդիր և գործադիր իշխանության, տեղական ինքնակառավարման մարմիններում հանքագործների և մետալուրգների գործունեության բարելավման, Միության անդամների շահերի պաշտպանության վերաբերյալ առաջարկությունների և հայտարարությունների ներկայացումը,
- իր կազմից Միության նախագահի տեղակալի (տեղակալների) ընտրությունը, որի վերաբերյալ համապատասխան ծանուցումներ են ուղարկվում Միության անդամներին,
- Միության տնօրենի նշանակումը,
- Միության առանձնացված ստորաբաժանումների և հիմնարկների ստեղծումը, դրանց կանոնադրությունների հաստատումը,
- Միության պաշտոնական մամուլի միջոցի գլխավոր խմբագրի ընտրությունը և լիազորությունների դադարեցումը,
- Միության պաշտոնական մամուլի միջոցի խմբագրական խորհրդի և հանձնախմբի կազմերի հաստատումը և փոփոխումը,
- Միության կառուցվածքի, հաստիքացուցակի հաստատումը և փոփոխումը
- օրենքով, սույն կանոնադրությամբ և Միության համաժողովի կողմից իրեն հանձնարարված բոլոր այլ հարցերի լուծումը:
- Միության նախագահին ընտրում են Միության խորհրդի անդամները` խորհրդի անդամների կազմից` իրենց ընդհանուր թվի ձայների մեծամասնությամբ, 3 (երեք) տարի պաշտոնավարման ժամկետով:
Միության նախագահը`
- հրավիրում և վարում է Միության համաժողովները և Միության խորհրդի նիստերը, ստորագրում ժողովի և խորհրդի արձանագրությունները,
- կատարում է Միության խորհրդի անդամների միջև պարտականությունների բաշխում, համակարգում նրանց աշխատանքները,
- համակարգում է Միության խորհրդի, Միության տնօրենի և Միության վերահսկիչ հանձնաժողովի գործունեությունը,
- կազմակերպում է Միության գործունեության հեռանկարային ուղղությունների մշակումը,
- ղեկավարում է Միության ընթացիկ գործունեությունը,
- հաստատված բյուջեի ընդհանուր սահմանքանակների ներքո սահմանում է առանձին ծախսային հոդվածների մեծությունը,
- ներկայացնում է Միությունը Հայաստանի Հանրապետությունում և արտասահմանում: Միության նախագահը իրականացնում է սույն կանոնադրությամբ և Միության համաժողովի, Միության խորհրդի կողմից սահմանված այլ իրավասություններ:
Միության գործադիր աշխատանքները ղեկավարում է Միության տնօրենը, որը նշանակվում է Միության խորհրդի կողմից:
Միության տնօրենն իր իրավասության սահմաններում առանց լիազորագրի գործում է Միության անունից, ներկայացնում է նրա շահերը, տնօրինում է նրա գույքը, այդ թվում ֆինանսական միջոցները, կնքում է պայմանագրեր, այդ թվում և աշխատանքային, Միության վարձու աշխատողների համար իրականացնում է գործատուի գործառույթներ, տալիս է լիազորագրեր, բանակային հիմնարկներում բացում է հաշվարկային և այլ հաշիվներ, հաստատում է հաստիքներ, արձակում է հրամաններ, Միության վարձու աշխատողներին տալիս է կատարման համար պարտադիր ցուցումներ, իրականացնում է Միության խորհրդի կողմից սահմանված այլ լիազորություններ:

ՄԻՈՒԹՅԱՆ ՎԵՐԱՀՍԿՈՂՈՒԹՅՈՒՆ ԻՐԱԿԱՆԱՑՆՈՂ ՄԱՐՄԻՆԸ

Միության ղեկավար մարմինների գործունեության նկատմամբ վերահսկողությունն իրականացնում է Միության վերահսկիչ հանձնաժողովը: Միության վերահսկիչ հանձնաժողովը ընտրվում է Միության համաժողովի կողմից երեք տարի ժամանակով` ոչ պակաս քան 3 անդամից: Հանձնաժողովն իր կազմից ընտրում է նախագահ: Հանձնաժողովն իր աշխատանքները իրականացնում է նիստերի ձևով, որոնք հրավիրվում են տարեկան երկու անգամ: Հանձնաժողովի անդամների մեկ երրորդի կամ Միության Նախագահի պահանջով կարող են հրավիրվել նաև արտահերթ նիստեր: Միության վերահսկիչ հանձնաժողովը կարող է հարցեր քննարկել և որոշումներ կայացնել, եթե նրան մասնակցում են հանձնաժողովի անդամների կեսից ավելին: Հանձնաժողովի որոշումներն ընդունվում են ձայների պարզ մեծամասնությամբ: Ձայների հավասարության դեպքում հանձնաժողովի նախագահի ձայնը վճռորոշ է: Վերահսկիչ հանձնաժողովը հետևում է Միության համաժողովի որոշումների կատարմանը, Միության գույքի պահպանմանը, ստուգում է Միության փաստաթղթերը, այդ թվում` հաշվեկշիռը, ինչպես նաև այլ գործոինեության իրականացմանը: Վերահսկիչ հանձնաժողովը պարտավոր է իր հաշվետվությունը ներկայացնել Միության համաժողովին` Միության գործունեության արդյունքների, հաշվեկշռի, գույքի պահպանման և այլ ամփոփ տվյալների մասին: Վերահսկիչ հանձնաժողովի անդամներ չեն կարող լինել Միության խորհրդի անդամները և նախագահը:

ՄԻՈՒԹՅԱՆ ԱՌԱՆՁՆԱՑՎԱԾ ՍՏՈՐԱԲԱԺԱՆՈՒՄՆԵՐԸ ԵՎ ՀԻՄՆԱՐԿՆԵՐԸ

Միությունն իրավունք ունի ստեղծել մասնաճյուղեր, ներկայացուցչություններ և հիմնարկներ` օրենքին և սույն կանոնադրությանը համապատասխան:
1. Միությունը օտարերկրյա պետություններում մասնաճյուղեր, ներկայացուցչություններ և հիմնարկներ է ստեղծում մասնաճյուղերի, ներկայացուցչությունների և հիմնարկների գտնվելու վայրի երկրի օրենքներին, այլ իրավական ակտերին համապատասխան, եթե այլ բան նախատեսված չէ ՀՀ միջազգային պայմանգրերով:
2. Ներկայացուցչություն է համարվում Միության գտնվելու վայրից դուրս տեղա - կայված նրա առանձնացված ստորաբաժանումը, որը ներկայացնում է Միության շահերը և իրականացնում դրանց պաշտպանությունը:
3. Մասնաճյուղ է համարվում Միության գտնվելու վայրից դուրս տեղակայված նրա առանձնացված ստորաբաժանումը, որը իրականացնում է նրա բոլոր գործառույթները կամ դրանց մի մասը` ներառյալ ներկայացուցչական գործառույթները:
4. Հիմնարկը Միության կողմից ստեղծված կառավարչական, սոցիալ-մշակույթային և ոչ առևտրային բնույթի այլ գործունեություն իրականացնող կազմակերպություն է:
5. Ներկայացուցչությունները, մասնաճյուղերը և հիմնարկները իրավաբանական անձինք չեն և գործում են Միության կողմից հաստատված կանոնադրությունների հիման վրա:
6. Միությունը ներկայացուցչություններին, մասնաճյուղերին և հիմնարկներին տրամադրում է գույք: Ներկայացուցչությունների, մասնաճյուղերի և հիմնարկների գույքը հաշվառվում է ինչպես առանձին հաշվեկշիռներում, այնպես էլ Միության հաշվեկշռում:
7. Ներկայացուցչությունների, մասնաճյուղերի և հիմնարկների ղեկավարները նշանակվում են Միության գործադիր տնօրենի կողմից և գործում են նրա լիազորագրերի հիման վրա:
8. Ներկայացուցչությունները, մասնաճյուղերը և հիմնարկները գործում են Միության անունից: Դրանց գործունեության համար պատասխանատվություն է կրում Միությունը: Միության անդամները
Միությանը որպես սեփականություն հանձնած գույքի ներառյալ անդամավճարների նկատմամբ իրավունքներ չեն պահպանում:

ՄԻՈՒԹՅԱՆ ՍԵՓԱԿԱՆՈՒԹՅՈՒՆԸ ԵՎ ՕԳՏԱԳՈՐԾՄԱՆ ԿԱՐԳԸ

Միության գույքը հանդիսանում է Միության սեփականությունը: Միության սեփականության իրավունքների օբյեկտներն են`
- գույքը` ներառյալ դրամական միջոցները, արժեթղթերը և գույքային իրավունքները,
- աշխատանքները և ծառայությունները,
- տեղեկատվությունը,
- մտավոր գործունեության արդյունքները` ներառյալ դրանց նկատմամբ բացառիկ իրավունքները (մտավոր սեփականություն),
- ոչ նյութական արժեքները,
Միության անդամների Միությանը հանձնած դրամը և գույքը Միության սեփականությունն է:
Միությունն օրենքով և իր կանոնադրությամբ սահմանված կարգով իր հայեցողությամբ տիրապետում, տնօրինում և օգտագործում է սեփականության իրավունքով իրեն պատկանող գույքը, այդ թվումª իր գույքը որպես սեփականություն օտարել այլ անձանց, նրանց փոխանցել այդ գույքի օգտագործման, տիրապետման և տնօրինման իրավունքները, գույքը գրավ դնել կամ տնօրինել այլ եղանակով:
Միության սեփականությունը կարող է բռնագանձվել միայն դատական կարգովª օրենքով նախատեսված դեպքում:
Միության միջոցները կարող են օգտագործվել միայն Միության կանոնադրությամբ սահմանված նպատակների և խնդիրների իրականացման համար:

ՄԻՈՒԹՅԱՆ ՎԵՐԱԿԱԶՄԱԿԵՐՊՈՒՄԸ

Միության վերակազմակերպումը (միաձուլումը, միացումը, բաժանումը, առանձնացումը, վերակազմավորումը) կատարվում է օրենքով նախատեսված դեպքերում Միության համաժողովի որոշման հիման վրա կամ դատական կարգով:
Միության նախագահը պարտավոր է Միության վերակազմակերպման մասին հինգ օրվա ընթացքում գրավոր տեղեկացնել Միության պարտատերերին:

ՄԻՈՒԹՅԱՆ ԼՈՒԾԱՐՈՒՄԸ

Միության լուծարումը հանգեցնում է դրա դադարեցմանըª առանց իրավունքները և պարտականություններն իրավահաջորդության կարգով այլ անձանց անցնելու:
Միությունը կարող է լուծարվելª
- Միության համաժողովի որոշմամբ
- դատարանի կողմից Միության գրանցումն անվավեր ճանաչելու դեպքում կապված այն ստեղծելու ժամանակ թույլ տրված օրենքի կամ այլ իրավական ակտերի խախտումների հետ,
- դատարանի վճռով` առանց թույլտվության (լիցենզիայի) կամ օրենքով արգելված գործունեություն իրականացնելու, օրենքի կամ այլ իրավական ակտերի բազմակի կամ կոպիտ խախտումների դեպքում,
- օրենքով սահմանված այլ դեպքերում,
- Միության նախագահը պարտավոր է Միության լուծարման մասին անհապաղ տեղեկացնել իրավաբանական անձանց պետական գրանցում իրականացնող մարմնին:
Միության համաժողովը նշանակում է լուծարման հանձնաժողով (լուծարող) և օրենքին համապատասխան, սահմանում է լուծարման կարգն ու ժամկետները: Նշանակման պահից լուծարման հանձնաժողովին են անցնում Միության գործերի կառավարման լիազորությունները: Լուծարվող Միության անունից դատարանում հանդես է գալիս լուծարման հանձնաժողովը: Լուծարման հանձնաժողովն իրավաբանական անձի պետական գրանցման մասին տվյալներ հրապարակող մամուլում հայտարարություն է զետեղում նրա լուծարման և պարտատերերի պահանջների ներկայացման կարգի ու ժամկետի մասին: Այդ ժամկետը չի կարող պակաս լինել երկու ամսից` սկսած լուծարման մասին հրապարակման պահից: Լուծարման հանձնաժողովը միջոցներ է ձեռնարկում պարտատերերին հայտնաբերելու և դեբիտորական պարտքն ստանալու ուղղությամբ, ինչպես նաև պարտատերեին տեղեկացնում է Միության լուծարման մասին: Լուծարային հանձնաժողովը Միության լուծարումն իրականացնում է օրենքով սահմանված կարգով և ժամկետներում: Պարտատերերի պահանջները բավարարելուց հետո Միության մնացած գույքն ուղղվում է Միության կանոնադրությամբ նախատեսված նպատակներին, իսկ դրա անհնարինության դեպքում փոխանցվում է պետական բյուջե: Միությունը համարվում է լուծարված, իսկ նրա գույությունը` դադարած, այդ մասին իրավաբանական անձնաց պետական գրանցամատյանում գրառման պահից: